"بلدك فين؟.. قال اللي فيها مراتي".. حماقي يؤمن بمثل لـ جحا
06:31 م الأحد 01 يناير 2023 كتبت- منى الموجي: قال الفنان محمد حماقي، إنه يؤمن بمثل وصفه بـ"اللذيذ"، يشير إلى أن بلد الزوج هو البلد الذي تتواجد فيه زوجته، وذلك ردا على انتقاله إلى 6 أكتوبر بعدما قضى حياته في مدينة نصر، وكان من المتوقع أن ينتقل للعيش في التجمع. وسألته النجمة إسعاد يونس في حلقة الاحتفال بليلة رأس السنة من برنامجها "صاحبة السعادة"، عن سبب تغيير محل إقامته من مدينة نصر إلى 6 أكتوبر، أوضح أنه فعل ذلك لكي تكون زوجته قريبة من أسرتها وأصدقائها، قائلا: "الانتقال من مدينة نصر لـ 6 أكتوبر مكنتش أتخيل إني هعمله أبدا، لأن أصل سكان مدينة نصر جم من مصر الجديدة، أنا أبويا وأمي كانوا من مصر الجديدة لما نقلوا راحوا المدينة الجديدة اللي هي مدينة نصر، فطبيعي نقلتي أنا تبقى للتجمع". وتابع: "في مثل لذيذ بيقول (سألوا جحا بلدك إيه يا جحا؟ قالهم بلدي اللي فيها مراتي).. وأنا مراتي أهلها من سكان الزمالك، وأخواتها البنات لما اتجوزوا راحوا أكتوبر ومامتها نقلت أكتوبر، فأنا بقيت ما بين إني أعزل نهلة عن مجتمعها كله مش بس أخواتها ومامتها، ده صحابها كمان، فأنا لو خدتها التجمع أبقى عزلتها تماما". يضيف حماقي: "وأنا بتحرك وبسافر كتير وهيبقى في أوقات كتير أنا مش موجود، حسيت أن هيبقى فيه ظلم، الأسهل إني انقل أكتوبر وأنا حركتي هتبقى أسهل، فده ليها ولراحتي، لأن فكرة أنها تبقى قاعدة زهقانة أو قاعدة لوحدها ده هيبقى مؤرق يعني". جدير بالذكر أن حماقي أحيا أمس السبت 31 ديسمبر حفل ليلة رأس السنة في العاصمة الأردنية عمان، وجاء ظهوره في برنامج "صاحبة السعادة" من خلال حلقة مسجلة. اقرأ أيضا: بسبب "المكياج" والأظافر وصورة أمام الكعبة.. الجمهور ينتقد تامر حسني وبسمة بوسيل حماقي عن عودته لزوجته: "فكرة ممكن تتجوز كانت بتضايقني ومكنتش بعرف أنام"
#بلدك #فين #قال #اللي #فيها #مراتي #حماقي #يؤمن #بمثل #لـ #جحا
